பாலக்காட்டு மாதவன் நான் ஸ்டாப் காமெடி படம்: இயக்குனர் நம்பிக்கை

4a2d4ab9-1b1c-4e78-9dd8-6358b31512bf_S_secvpfஇந்த உலகில் சிரிக்கத் தெரிந்த ஒரே உயிரினம் மனித இனம் மட்டும்தான். சிரிக்கத் தெரியாதவனுக்கு பகல் பொழுதும் இருட்டே என்கிறார் திருவள்ளுவர்.

சிரிக்காத நாட்களை வாழாத நாட்களாகவே கணக்கிட வேண்டும். இன்று மனஅழுத்தம் போக்க செலவில்லாத மருந்து நகைச்சுவைதான். சிரிப்பு ஒன்றே சோர்வு நீக்கும் தீர்வைத் தரும். புத்துணர்ச்சி தரும்.

எனவேதான் இப்போதெல்லாம் சிரிக்க வைக்கும் படங்கள் சிறப்பான வெற்றி பெறுகின்றன. அந்த வகையில் ஒரு ‘நான்ஸ்டாப் காமெடி’ படமாக உருவாகியிருக்கிறது ‘பாலக்காட்டு மாதவன்’.

இப்படத்தில் விவேக், சோனியாக அகர்வால், செம்மீன் ஷீலா உள்ளிட்ட பலரும் நடித்துள்ளனர். சந்திரமோஹன் இயக்கியுள்ளார்.

படம் குறித்து இயக்குநர் சந்திரமோஹன் பேசும்போது, ‘எப்போதெல்லாம் ஒரு படம் குடும்பக்கதையாக கலகலப்பாக கலர்புல்லாக இருக்கிறதோ அப்போது அது நிச்சயமான வெற்றிக்கு உத்திரவாதம் தரும்.

அப்படி ஒரு படமாகத்தான் உருவாகியுள்ளது ‘பாலக்காட்டு மாதவன்’. பாச உணர்வையும் நகைச்சுவையையும் சம முன்னுரிமை தந்து கலந்து இப்படம் உருவாக்கப்பட்டுள்ளது.

‘பாலக்காட்டு மாதவன்’ கே.பாக்யராஜ் அவர்களால் உருவாக்கப்பட்ட பாத்திரம். அது அவ்வளவு தூரம் அனைவரையும் சென்றடைந்தது. அந்த பாத்திரம் என்னை மிகவும் கவர்ந்தால் அதையே இந்தப் படத்துக்கு வைத்திருக்கிறேன்.

இது ஒரு சாதாரண மனிதனின் கதைதான் இது. அவன் ஒரு அம்மாவைத் தத்தெடுக்கிறான். அதன் பிறகு வரும் பிரச்சினைகள் சுவாரஸ்ய சம்பவங்கள்தான் கதை. மகனாக விவேக்கும் அம்மாவாக செம்மீன் ஷீலாவும் நடித்துள்ளனர்.

இவ்வாறு அவர் கூறினார்.

இப்படத்திற்கு ஸ்ரீகாந்த் தேவா இசையமைக்கிறார். ஏற்கெனவே இவருடைய இசையில் ஆடியோ வெளியாகி நல்ல வரவேற்பை பெற்றுள்ளது. வயிறு குலுங்க சிரிக்க வைக்கும் விதமாக இப்படம் உருவாகியுள்ளது. விரைவில் ‘பாலக்காட்டு மாதவன்’ படம் வெளியாகவுள்ளது.

Post your comment

TamilWire.NET - Latest English News

TamilTunes.com - Latest Songs Downloads

Tamil.Movie - Latest Tamil Movie Trailers to Watch Online

Tamil.Gallery - Latest Tamil Galleries