எனக்கு பணம் முக்கியம் இல்லை: நடிகை சமந்தா

samantha_new_photoshoot_pics_thumb[1]சமந்தா தமிழ், தெலுங்கு படங்களில் ஓய்வு இல்லாமல் நடித்து வருகிறார். விக்ரமுடன் நடிக்கும் ‘10 எண்றதுக்குள்ள’, தனுசுடன் நடிக்கும் ‘தங்க மகன்’ படங்கள் விரைவில் வெளியாக உள்ளன. சூர்யா ஜோடியாக நடிக்கும் ‘24’ என்ற படத்தின் வேலைகளும் இறுதி கட்டத்தில் உள்ளது.

விஜய்யுடன் புதிய படம் ஒன்றில் நடிக்க ஒப்பந்தமாகியுள்ளார். 2 தெலுங்கு படங்களும் அவர் கைவசம் உள்ளன. சக நடிகைகளான அனுஷ்கா, திரிஷா, ஹன்சிகா, தமன்னா உள்ளிட்டோர் கதாநாயகிக்கு முக்கியத்துவம் அளிக்கும் கதையம்சம் உள்ள படங்களில் நடிக்க தொடங்கியுள்ளனர்.

முன்னணி கதாநாயகியாக விளங்கும் சமந்தாவுக்கும் அதுபோன்ற படங்களில் நடிக்க ஆர்வம் ஏற்பட்டுள்ளது. இதுகுறித்து சமந்தா அளித்த பேட்டி வருமாறு:-

‘‘நான் சினிமாவுக்கு வந்த புதிதில் நல்ல கதைகள் அமையவில்லை. கிடைத்த படங்களில் எல்லாம் நடித்தேன். எல்லா நடிகைகளும் ஆரம்பத்தில் அப்படித்தான் நடிக்க வேண்டும். தற்போது ஒரு நிலையான இடத்துக்கு வந்து விட்டேன். இனி கண்ட படங்களில் நடிக்க வேண்டும் என்ற அவசியம் இல்லை. இப்போது எனக்கான கதை வேட்டையில் இறங்கி இருக்கிறேன்.

கதாநாயகிக்கு முக்கியத்துவம் அளிக்கும் நல்ல கதையம்சம் உள்ள படங்களை தேடுகிறேன். இனிமேல் பணத்துக்காக மட்டும் நடிக்க வேண்டும் என்பது இல்லை. கதைகளுக்கே முக்கியத்துவம் கொடுப்பேன். என்னை திருப்திப்படுத்தும் கதை அமைந்தால் பணத்தை பெரிதாக பார்க்க மாட்டேன். அதற்காக சம்பளம் உள்ளிட்ட விஷயங்களில் சமரசம் செய்து கொள்ளவும் தயார். என் முழு நடிப்பு திறமையையும் காட்டும் சாகசத்துக்கு தயாராகி விட்டேன்.

இவ்வாறு சமந்தா கூறினார்.

Post your comment

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online