காதலர் தினத்தில் மிரட்ட வரும் ஜெயம் ரவி – ராய் லட்சுமி

jayam-ravi-story_647_010216122300ஜெயம் ரவி நடிப்பில் தற்போது உருவாகியிருக்கும் புதிய படம் ‘மிருதன்’. இதில் லட்சுமி மேனன் கதாநாயகியாக நடித்துள்ளார். ‘நாய்கள் ஜாக்கிரதை’ படத்தை இயக்கிய சக்தி சௌந்தர்ராஜன் இப்படத்தை இயக்கியுள்ளார்.

இப்படத்தின் பணிகள் அனைத்தும் முடிந்து தற்போது ரிலீசுக்கு தயாராக இருக்கிறது. இப்படத்தின் கதை இறந்து போனவர்கள் மீண்டும் உயிர்த்தெழுந்து வந்து பூமியில் நடமாடும் ‘ஜாம்பீ’ (Zombie) பாணியிலானது. இப்படத்தின் டிரைலரே அனைவரையும் பயமுறுத்தியுள்ளது.

இந்நிலையில், இப்படம் காதலர் தினத்தை முன்னிட்டு பிப்ரவரி 12-ந் தேதி வெளியாகப் போவதாக அதிகாரப்பூர்வமாக அறிவித்துள்ளனர். இதேபோல், ராய்லட்சுமி – ஸ்ரீகாந்த் நடிப்பில் உருவாகியுள்ள ‘சவுகார்பேட்டை’ படமும் பிப்ரவரி 12-ந் தேதி வெளியிடப்போவதாக அறிவித்துள்ளனர். இப்படத்தை வடிவுடையான் இயக்கியுள்ளார்.

இப்படமும் பேய் சம்பந்தப்பட்ட கதை. இதில் ராய் லட்சுமி பேயாக நடித்துள்ளார் என்பது குறிப்பிடத்தக்கது.

ஆகவே, இந்த ஆண்டு காதலர் தினத்தில் இரண்டு விதமான பேய்கள் ரசிகர்களை மிரட்ட தயாராகியிருக்கிறது என்று சொல்லலாம்.

Post your comment

மேலும் சில பரிந்துரைகள்

TamilWire.NET - Latest English News

TamilTunes.com - Latest Songs Downloads

Tamil.Movie - Latest Tamil Movie Trailers to Watch Online

Tamil.Gallery - Latest Tamil Galleries