ரஜினியை அடுத்து கார்த்தி, சூர்யாவை இயக்கும் ரஞ்சித்

Ranjith_2157718f‘மெட்ராஸ்’ படத்தையடுத்து ரஞ்சித் தற்போது ரஜினியை வைத்து ‘கபாலி’ படத்தை இயக்கி வருகிறார். இதில் ரஜினியுடன் ராதிகா ஆப்தே, தன்ஷிகா, தினேஷ், கலையரசன் உள்ளிட்ட பலர் நடித்துள்ளார்கள்.

விறுவிறுப்பாக நடந்து வந்த இப்படத்தின் படப்பிடிப்புகள் முடிந்து தற்போது படத்திற்கான பின்னணி வேலைகளில் படக்குழுவினர் ஈடுபட்டு வருகின்றனர். விரைவில் இப்படம் வெளியாகவுள்ளது.

இந்நிலையில், இப்படத்தையடுத்து கார்த்தி, சூர்யாவை வைத்து ரஞ்சித் படம் இயக்க இருப்பதாக தகவல் வெளியாகியுள்ளது. ‘மெட்ராஸ்’ படத்தில் ஏற்கனவே கார்த்தியுடன் பணியாற்றிய ரஞ்சித், அவரிடம் ஒன்லைன் கதையை கூறிவிட்டதாகவும் அதற்கு கார்த்தி சம்மதித்திருப்பதாகவும் கூறுகிறார்கள்.

மேலும் சூர்யாவுக்கு ஏற்ற கதை ஒன்றை ரஞ்சித் தயார் செய்திருப்பதாகவும் விரைவில் அவரை சந்தித்து கதை சொல்ல இருப்பதாகவும் செய்திகள் வெளியாகியுள்ளது. கபாலிக்குப் பிறகு கார்த்தி அல்லது சூர்யா வைத்து படம் இயக்குவார் என்று எதிர்பார்க்கப்படுகிறது.

ரஞ்சித் இயக்க இருக்கும் புதிய படத்தை ஸ்டூடியோ கிரீன் தயாரிக்க இருக்கிறது.

Post your comment

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online