இந்த வாரம் வெளியாகும் படங்கள்: ஒரு முன்னோட்டம்

201605121842353786_Preview-of-this-week-releasing-movies_SECVPFஇசையமைப்பாளர் ஜி.வி.பிரகாஷ் முதலில் நடிக்க தொடங்கிய படம் ‘பென்சில்’. இப்படம் சில காரணங்களால் ரிலீசாகாமல் தற்போது ரிலீசாகிறது. இதில் ஜி.வி.பிரகாஷுக்கு ஜோடியாக ஸ்ரீதிவ்யா நடித்துள்ளார். மணி நாகராஜ் இப்படத்தை இயக்கியுள்ளார். ஜி.வி.பிரகாஷ் நடித்த இரண்டு படங்களும் சூப்பர் ஹிட்டானது. அதனால் இப்படத்தின் மீது ரசிகர்களிடையே அதிக எதிர்பார்ப்பு நிலவி வருகிறது.

‘நெடுஞ்சாலை’ படம் மூலம் பிரபலமான ஆரி நடிப்பில் நாளை வெளியாக இருக்கும் படம் ‘உன்னோடு கா’. இதில் மாயா கதாநாயகியாக நடித்திருக்கிறார்.

இவர்களை தவிர அனுபவம் வாய்ந்த நடிகர்களான பிரபு, மனோபாலா, எம்.எஸ்.பாஸ்கர், மன்சூர் அலிகான், ஊர்வசி, பால சரவணன் ஆகியோர் நடித்துள்ளனர். குடும்ப பொழுது போக்கு படமாக உருவாகியிருக்கும் இப்படத்தை ஆர்.கே. இயக்கியிருக்கிறார்.

‘கோ’ படம் ரசிகர்களிடையே நல்ல வரவேற்பு பெற்று சூப்பர் ஹிட்டானது. இந்த படத்தின் தயாரிப்பாளர் ஆர்.எஸ்.இன்போடெயின்மென்ட் எல்ரெட் குமார் தற்போது ‘கோ 2’ படத்தை தயாரித்துள்ளார்.

இதில் பாபி சிம்ஹா, பிரகாஷ் ராஜ், நிக்கி கல்ராணி, நாசர், கருணாகரன் உள்ளிட்ட பலர் நடித்துள்ளனர். அரசியல் சார்ந்த கதையாக இப்படம் வெளியாகவுள்ளது.

கோகுல் நாத், அஞ்சனா கிர்த்தி நடிப்பில் ‘ஜம்புலிங்கம்’ என்ற படம் வெளியாகவுள்ளது. 3டி தொழில்நுட்பத்துடன் இப்படம் உருவாகியுள்ளது. மேஜிக் காட்சிகளுடன் குழந்தைகள் ரசிக்கும் படியாக இப்படத்தை உருவாக்கியிருக்கிறார்கள். இப்படத்தை ஹரிஸ் நாராயணன் இயக்கியுள்ளார்.

அஸ்வின்குமார், மனிஷாஜித் நடிப்பில் ‘இணைய தலைமுறை’ என்ற படம் வெளியாக உள்ளது. சு.சி.ஈஸ்வர் என்பவர் இப்படத்தை இயக்கியுள்ளார்.

தற்போது கல்லூரி மாணவர்களிடையே அதிக தாக்கத்தை ஏற்படுத்தி இருக்கும் வாட்ஸ் அப், பேஸ்புக், டுவிட்டர் போன்ற சமூக வலைதளங்களை மையமாக வைத்து இப்படம் உருவாகியுள்ளது.

இப்படங்களை தவிர, இந்தி மொழி படங்களான ‘புத்தா இன் ஏ டிராபிக் ஜாம்’, ‘டியர் டேட்’, ‘அசார்’ ஆகிய படங்களும், ஆங்கில மொழியில் ‘மணி மான்ஸ்டர்’, ‘பீலே’, ‘கிரிமினல்’ ஆகிய படங்களும் வெளியாகவுள்ளன.

Post your comment

மேலும் சில பரிந்துரைகள்

TamilWire.NET - Latest English News

TamilTunes.com - Latest Songs Downloads

Tamil.Movie - Latest Tamil Movie Trailers to Watch Online

Tamil.Gallery - Latest Tamil Galleries