பிரபு தேவா படத்தில் பாரா கானின் நடனம்

201606021227565690_Farah-Khans-dancing-in-Prabhu-Deva-film_SECVPFநீண்ட இடைவெளிக்குப் பிறகு பிரபு தேவா ‘தேவி(எல்)’ ‘Devi(l)’ படத்தில் கதாநாயகனாக நடித்து வருகிறார். இதில் இவருக்கு ஜோடியாக தமன்னா நடித்து வருகிறார். மேலும் சோனு சூட் முக்கிய கதாபாத்திரத்தில் நடித்து வருகிறார். இப்படத்தை ஏ.எல்.விஜய் இயக்கி வருகிறார். விஜய்யுடன் இணைந்து ஹாலிவுட்டின் சிறந்த கதாசிரியர் பவுல் ஆரோன் கதை எழுதியிருக்கிறார்.

இந்த கூட்டணியில் தற்போது, இந்தியாவின் முன்னணி நடன இயக்குனரான பாரா கானும் இணைந்திருக்கிறார். நடன இயக்குனராக மட்டுமில்லாமல் படத்தில் சிறப்பு தோற்றத்திலும் பாராகான் நடிக்கிறார்.

இது குறித்து இயக்குனர் ஏ.எல்.விஜய் கூறும்போது, ‘இந்த மாபெரும் நட்சத்திர கூட்டணியில் நான் பணியாற்றுவது எனக்கு எல்லையற்ற மகிழ்ச்சியை தருகிறது. பொதுவாகவே திகில் படமென்றால் இப்படித் தான் இருக்கும் என்ற எண்ணம் மக்கள் மத்தியில் உருவாகிவிட்டது. ஆனால் இப்படம் அப்படி இல்லாமல் மக்களின் ரசனைகளையும், எதிர்பார்ப்புகளையும் முழுவதும் பூர்த்தி செய்யும் வண்ணமாக செதுக்கப்பட்டு வருகிறது.

படத்தின் ஒரு காட்சிக்கு, நடன கலைஞராக நடிக்கும் கதாப்பாத்திரம் தேவைப்பட்டது. பாரா கானை தவிர வேறு யார் அந்த வேடத்தை மிக எதார்த்தமாக நடிப்பது? எனவே அவரையே அந்த கதாப்பாத்திரத்தில் நடிக்க வைத்து விட்டோம்.

இப்படிப்பட்ட பிரம்மாண்ட கலைக் குழுவினருடன் நான் பணியாற்ற வாய்ப்பு ஏற்படுத்தி கொடுத்து, எனக்கு நல்லதொரு ஊக்கத்தையும், பொருளாதார ரீதியாக பக்கபலமாகவும் செயல்பட்டு வரும் எங்கள் படத்தின் தயாரிப்பாளர் டாக்டர்.கணேஷுக்கு எனது மனமார்ந்த நன்றிகளை தெரிவித்துக் கொள்கிறேன்” என்கிறார்.

Post your comment

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online