சாப்ட்வேர் என்ஜினீயரான விஜய் ஆண்டனி

201606111003392297_Software-engineer-Vijay-Antony_SECVPFஇசையமைப்பாளராக இருந்து கதாநாயகனாக உயர்ந்து, தமிழ் சினிமாவில் வலுவாக காலூன்றியிருப்பவர், விஜய் ஆண்டனி. இவர் நடித்து சமீபத்தில் வெளிவந்த ‘பிச்சைக்காரன்’ படம் மிகப்பெரிய வெற்றியை பெற்றது. இதைத்தொடர்ந்து அவர், ‘சைத்தான்’ என்ற படத்தில் நடித்தார்.

இந்த படத்தின் படப்பிடிப்பும் முடிவடைந்து படம் திரைக்கு வரும் நிலையில் உள்ளது. இதில், ‘சாப்ட்வேர் என்ஜினீயராக’ விஜய் ஆண்டனி நடித்து இருக்கிறார். அவருடன் அருந்ததி நாயர், மீராகிருஷ்ணன், ‘பைக்’ பந்தயங்களில் கலக்கி கொண்டிருக்கும் அலிஷா அப்துல்லா ஆகியோர் முக்கிய கதாபாத்திரங்களில் நடித்துள்ளனர்.

படத்துக்காக விஜய் ஆண்டனி தனது தோற்றத்தை மாற்றவில்லை. அதே தாடியுடன் நடித்து இருக்கிறார். இதுபற்றி அவர் கூறியதாவது:-

“என் தோற்றத்தில் கவனம் செலுத்துவதை விட, விறுவிறுப்பான திரைக்கதை மூலம் ரசிகர்களின் எதிர்பார்ப்பை எப்படி பூர்த்தி செய்வது? என்பதில்தான் அதிக கவனம் செலுத்தி வருகிறேன். கதையை விட, கதையின் கருதான் வெற்றியை நிர்ணயிக்கும். அது, ‘சைத்தான்’ படத்தில் இருக்கிறது.

படத்தின் டைரக்டர் பிரதி கிருஷ்ணமூர்த்தி ஒரு அறிமுக இயக்குனர் போல் இல்லாமல், அனுபவம் வாய்ந்த டைரக்டராக செயல்பட்டு இருப்பது படத்துக்கு பக்கபலமாக அமைந்து இருக்கிறது.”

Post your comment

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online