வெங்கட் பிரபு படத்தில் ஐந்து இயக்குனர்கள்

201606172105324052_Venkat-Prabhu-five-film-directors_SECVPFஒரே படத்தில் பல்வேறு நடிகர்களை வைத்து இயக்கக் கூடிய திறமையுள்ள இயக்குனர்கள் ஒரு சிலரே தமிழ் சினிமாவில் உள்ளனர். அப்படி விரல் விட்டு எண்ணக்கூடிய இயக்குனர்களில் ஒருவர் தான் வெங்கட் பிரபு.

தன்னுடைய படங்களில் நட்புக்கு என்றும் முக்கியத்துவம் தரும் வெங்கட் பிரபு, தற்போது ‘சென்னை 28’ படத்தின் இரண்டாம் பாகத்தை இயக்கி வருகிறார். இதன் கிளைமாக்ஸ் காட்சிக்காக, தனது ஐந்து நண்பர்களை களம் இறக்கியிருக்கிறார்.

வெங்கட் பிரபுவின் உதவி இயக்குனர்களாகிய ‘நளனும் நந்தினியும்’ படத்தை இயக்கிய வெங்கடேஷ் ராமகிருஷ்ணா, ‘வடக்கறி’ சரவணா ராஜன், ‘கனிமொழி’ ஸ்ரீபதி, ‘நவீன சரஸ்வதி சபதம்’ சந்துரு ஆகிய நால்வரோடு ‘காவல்’ படத்தின் இயக்குனரும், வெங்கட் பிரபுவின் நண்பருமான நாகேந்திரன் சிறப்பு காட்சியில் நடிப்பது குறிப்பிடத்தக்கது.

சென்னை 28 படத்தின் இரண்டாம் பாகமானது அதன் ஆரம்ப நாட்களில் இருந்தே இளைஞர்கள் மத்தியிலும், சமூக வலைத்தளங்களிலும் வரவேற்பை பெற்று வருகிறது. இந்த நிலையில், வெங்கட் பிரபுவோடு ஐந்து இயக்குனர்கள் இணைந்திருப்பது, ரசிகர்களின் எதிர்பார்ப்பை அதிகளவில் உயர்த்தியுள்ளது.

அதுமட்டுமின்றி, இந்த படத்தின் முதல் பாகத்தில் நடித்த அனைத்து நடிகர்களும், இரண்டாம் பாகத்தில் நடிக்கின்றனர். நட்புக்கு அடையாளச் சின்னமாக விளங்கும் இந்த சென்னை 28 – II திரைப்படத்திற்கு இசையமைத்து வருகிறார் யுவன்ஷங்கர் ராஜா.

மேலும் அனல் பறக்கும் கிளைமாக்ஸ் காட்சிக்காக ஒரு பிரம்மாண்ட அரங்கத்தையும் படக்குழுவினர் எழுப்பியுள்ளது குறிப்பிடத்தக்கது.

Post your comment

மேலும் சில பரிந்துரைகள்

TamilWire.NET - Latest English News

TamilTunes.com - Latest Songs Downloads

Tamil.Movie - Latest Tamil Movie Trailers to Watch Online

Tamil.Gallery - Latest Tamil Galleries