அஜித்துடன் நடிக்க மறுத்த பிரேமம் நாயகி?

201608011256046594_Premam-actress-refuse-ajith-movie_SECVPFமலையாளத்தில் வெளிவந்த ‘பிரேமம்’ படத்தில் மலர் டீச்சர் என்ற கதாபாத்திரம் மூலம் அனைவர் மனதிலும் ஆழமாக பதிந்தவர் சாய் பல்லவி. மலையாள திரையுலகை மட்டுமின்றி, தமிழ் திரையுலக ரசிகர்களையும் அழகாலும், நடிப்பாலும் மிகவும் கவர்ந்தார்.

இந்நிலையில், ‘தல 57’ படத்தில் அஜித்துடன் நடிக்க வந்த வாய்ப்பை சாய் பல்லவி மறுத்துள்ளதாக செய்திகள் வெளிவந்துள்ளது. ‘தல57’ படத்தில் மூன்று ஹீரோயின்கள் நடிப்பதாக உறுதி செய்யப்பட்டுள்ளது. முதலில், காஜல் அகர்வாலிடம் இப்படத்தின் ஹீரோயினுக்காக பேச்சுவார்த்தை நடத்தி அவரை உறுதி செய்தனர். பின்னர், அக்ஷரா ஹாசனையும் இப்படத்தில் இன்னொரு ஹீரோயினாக ஒப்பந்தம் செய்தனர்.

இந்நிலையில், மற்றொரு ஹீரோயினாக சாய் பல்லவியை நடிக்க வைக்க பேச்சுவார்த்தைகள் நடந்ததாம். ஆனால், சாய் பல்லவியே அஜித் படத்தில் நடிக்க மறுப்பு தெரிவித்தாக கூறப்படுகிறது. அஜித் படத்தில் நடிக்க பல்வேறு நடிகைகள் போட்டி போட்டுக் கொண்டு வரும் நிலையில், தற்போது சாய் பல்லவி நடிக்க மறுத்துள்ளது பலருக்கும் ஆச்சர்யத்தை கொடுத்துள்ளது.

சாய் பல்லவி ஏற்கெனவே மணிரத்னம் இயக்கும் படத்திலும் நடிக்க மறுப்பு தெரிவித்திருந்தார் என்பது இங்கே குறிப்பிடத்தக்கது. ‘தல57’ படத்தை சிறுத்தை சிவா இயக்குகிறார். அனிருத் இசையமைக்கிறார். சத்யஜோதி பிலிம்ஸ் இப்படத்தை பிரம்மாண்டமாக தயாரிக்கிறது.

Post your comment

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online