அஜித்தின் பெருமையை பாடலாக பாடும் அப்புக்குட்டி என்ற சிவபாலன்

201608121357523487_Appukutty-sung-for-ajith-song_SECVPFஅப்புக்குட்டி என்ற சிவபாலன் சினிமாவில் சிறுசிறு கதாபாத்திரங்களில் நடித்துக் கொண்டிருக்கும்போது, அவருக்கென்று தனியாக போட்டோ ஷுட் நடத்தி, சினிமா வாய்ப்புக்காக பெரும் முயற்சி எடுத்தவர் அஜித். அந்த நன்றிக்கடனுக்காக அப்புக்குட்டி தற்போது நாயகனாக நடிக்கும் புதிய படத்தில் அஜித்தின் பெருமை பற்றி பாடுவது போல ஒரு பாடல் இடம்பெறுகிறதாம்.

‘காகித கப்பல்’ என்று பெயர்சூட்டப்பட்டுள்ள அந்த படத்தில் ‘அம்மா அப்பா குடும்பத்தை பாரு’ என்ற தொடங்கும் அந்த பாடலை அப்புக்குட்டி பாடுவதுபோல் படமாக்கியிருக்கிறார்களாம். இந்த பாடலை விவேகா எழுதியுள்ளார். நிஜாம் இசையமைத்துள்ளார். சாண்டி நடனம் அமைத்துள்ளார். இப்படத்தை ‘மறந்தேன் மெய்மறந்தேன்’, ‘சொல்லித்தரவா’, ‘அன்பா அழகா’ ஆகிய படங்களை இயக்கி எஸ்.சிவராமன் இயக்குகிறார்.

நாயகியாக டில்லிஜா என்பவர் அறிமுகம் ஆகிறார். மேலும், எம்.எஸ்.பாஸ்கர், பவர்ஸ்டார் சீனிவாசன் ஆகியோரும் இப்படத்தில் முக்கிய கதாபாத்திரத்தில் நடிக்கிறார்களாம். இப்படத்தை ‘என்னமா கண்ணு’, ‘பிதாமகன்’ ஆகிய படங்களை தயாரித்த வி.ஏ.துரை தயாரிக்கிறார்.

Post your comment

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online