பென் ஹர் – திரை விமர்சனம்

BenHurஇயேசு வாழ்ந்த காலத்தில் நடக்கிறது கதை. ரோமில் யூதப் பிரபுவாக இருக்கும் ஜுடோ பென்ஹர். அவருடைய பால்ய நண்பன் டோபி கெப்பெல், ரோமின் படைத்தளபதியாக இருக்கிறாள்.

யூதப்பிரபுவான பென்ஹரை பற்றி அவருடைய பால்ய நண்பன் தவறான குற்றச்சாட்டு எழுப்புகிறான். இதனால், பென் ஹர் மீது தேசத்துரோக குற்றம் சாட்டப்பட்டு கைது செய்யப்படுகிறான்.

கைதான பென் ஹர், கப்பலில் வேலை செய்யும் அடிமைகளுள் ஒருவராக அனுப்பப்படுகிறார். அடிமையாக சென்ற எவரும் மீண்டும் திரும்பி வரமுடியாது. ஆனால், பென்ஹர் 5 ஆண்டுகள் அடிமை வாழ்க்கைக்கு பிறகு அங்கிருந்து தப்பி தனது நண்பனை பழிவாங்க வருகிறார்.

தப்பி வந்தவர், தனது நண்பரை பழிவாங்கினாரா? பென்ஹர் குடும்பத்தின் நிலை என்னவானது என்பதை படத்தின் கதை.

‘பென் ஹர்: எ டேல் ஆப் த கிறைஸ்ட்’ என்ற நாவலை அடிப்படையாக கொண்டு இதுவரை நான்கு முறை ‘பென்ஹர்’ படம் உருவாக்கப்பட்டிருக்கிறது. எந்தவொரு தொழில்நுட்ப வசதியும் இல்லாமல், முந்தைய படங்களில் வந்த குதிரைப் பந்தயக் காட்சி பார்வையாளர்களை பிரமிக்க வைத்தது.

அதே பிரமிப்புடன் பல காட்சிகள் கடந்த 4 பாகங்களிலும் இடம்பெற்றிருந்தது. இந்த படத்திலும் அதையே எதிர்பார்த்துச் சென்றால், மிகப்பெரிய ஏமாற்றமே மிஞ்சுகிறது. எடிட்டிங், கிராபிக்ஸ் காட்சிகள், இசை என பலவற்றிலும் ரசிகர்களுக்கு மிகப்பெரிய ஏமாற்றம்.

ஜூடோ பென்ஹராக வரும் ஜாக் ஹஸ்டன் திறமையான நடிப்பை வெளிப்படுத்தியிருக்கிறார். யூத பிரபுவாக இருக்கும் பென்ஹர், தனது நண்பனின் துரோகத்திற்கு ஆட்பட்டு, ஐந்து வருட அடிமை வாழ்க்கையை நிதானமாக கடைப்பிடித்து, பின் அங்கிருந்து தப்பித்து தன் நண்பனையே பழிவாங்க துடிப்பது என அந்த கதாபாத்திரமாகவே வாழ்ந்திருக்கிறார்.

இயேசு வாழ்ந்த காலத்தில் கதை நகர்வதால், கதையின் நடுவில் ஆங்காங்கே இயேசு வந்து செல்கிறார். அவர் பென்ஹருடன் உரையாடும் காட்சிகள் அனைத்தும் படத்திற்கு வலு கூட்டியிருக்கிறது. பென்ஹரை சாட்டையால் அடித்துக் கூட்டிச் செல்லும்போது இயேசு குடிக்க தண்ணீர் கொடுப்பார்.

அதேபோல், இயேசுவை சிலுவையில் அறைய கொண்டு செல்லும்போது பென்ஹர் தண்ணீர் கொடுக்க முயல்வார். அப்போது, இயேசு ‘என் மக்களுக்காக நான் விரும்பி இந்த தண்டனையை ஏற்றுக் கொள்கிறேன்’ என்று அந்த தண்ணீரை குடிக்கமாட்டார். இந்த காட்சி உண்மையிலேயே உணர்ச்சிப்பூர்வமான காட்சியாக அமைந்திருக்கிறது.

இருப்பினும் பென்ஹர் படத்தின் பழைய பாகங்களில் உள்ள சுவாரஸ்யங்கள் இப்படத்தில் இல்லாதது மிகப்பெரிய பலவீனமே.

மொத்தத்தில் ‘பென்ஹர்’ பெரிய ஏமாற்றம்.

Post your comment

TamilWire.NET - Latest English News

TamilTunes.com - Latest Songs Downloads

Tamil.Movie - Latest Tamil Movie Trailers to Watch Online

Tamil.Gallery - Latest Tamil Galleries