‘மாநகரம்’ படப்பிடிப்பு மிகப்பெரிய சவாலாக இருந்தது -இயக்குனர் லோகேஷ் கனகராஜ்

201609031458076607_director-lokesh-kanakaraj-talks-about-maanagaram-movie_SECVPFஸ்ரீசந்திப் கி‌ஷன், சார்மி, முனிஸ்கான் நடிக்கும் படம் ‘மாநகரம்’. படத்தை பற்றி இயக்குனர் லோகேஷ் கனகராஜ் கூறுகையில் ”மாநகரம் திரைப்படம் சென்னை போன்ற மெட்ரோ மாநகரத்தில் நடக்கும் ஒரு திரில்லர் கதையமைப்பை கொண்டது.

வெவ்வேறு ஊர்களில் இருந்து சென்னைக்கு வரும் நான்கு பேர் சென்னையை போன்ற பெரும் நகரத்தை எவ்வாறு பார்க்கிறார்கள், அந்நகரம் அவர்களை எவ்வாறு நடத்துகிறது என்ற கோணத்தில் திரைக்கதை நகரும்.

படத்தில் ஹைபர் லிங்க் என்ற புதுமையான திரைக்கதை யுக்தியை கையாண்டுள்ளோம். நான்கு பேரில் ஒருவர் கதை முடியும் இடத்தில் இருந்து அடுத்தவரின் கதை தொடங்குவது போல் திரைக்கதை அமைக்கப்பட்டுள்ளது.

இந்த நான்கு பேரின் கதையிலும் ஒரு உள் தொடர்பு இருந்து கொண்டே இருக்கும். இது தான் ஹைபர் லிங்க். இந்த படம் தொழில்நுட்ப ரீதியாக மிகச்சிறந்த படமாக இருக்கும்.

படத்தில் நாயகியாக ரெஜினா கசான்ட்ரா நடித்துள்ளார். அவருக்கு கதையோடு ஒன்றி பயணிக்கும் கதாபாத்திரம். 70 சதவித படபிடிப்பை நாங்கள் பரபரப்பான தெருக்களில் வைத்து தான் படம்பிடித்தோம். இது எங்களுக்கு மிகப்பெரிய சவாலாக இருந்தது.

மொத்தம் 3 பாடல்கள் உள்ளது. நடன அமைப்பு கிடையாது. படத்தின் கடைசி அரை மணி நேரம் கிளைமாக்ஸ். அந்த காட்சிகள் நிச்சயம் பேசப்படும்” என்றார்.

Post your comment

மேலும் சில பரிந்துரைகள்

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online