முருகவேல் – திரை விமர்சனம்

murugavel-review-rating-story-public-talk-first-1st-day-box-office-collectionsசத்யராஜ் அரசாங்கத்தின் உதவியுடன் மறைமுகமாக துப்பறியும் நிறுவனம் ஒன்றை நடத்தி வருகிறார். இவருக்கு உதவியாளராக மோகன்லால் பணியாற்றி வருகிறார்.

மோகன்லாலுக்கும் ரம்யா நம்பீசனுக்கும் திருமணமாகி 6 மாதங்களுக்குள் பிரிந்து விடுகிறார்கள். தற்போது பணியில் தீவிரமாக பணியாற்றிவரும் மோகன்லால் யார் என்று தெரியாமலேயே அமலாபால் அவரை காதலிக்கிறார்.

இருவருக்கும் திருமணம் செய்ய ஏற்பாடுகளும் நடக்கிறது. இந்நிலையில், தீவிரவாதியான ராகுல்தேவை கண்டுபிடித்து தனது கட்டுப்பாட்டில் வைத்திருக்கிறார் மோகன்லால். பின்னர் ராகுல் தேவுக்கும் கய்னாத் அரோராவுக்கும் பழக்கம் இருப்பதை அறியும் மோகன்லால், அவள் மூலம் தீவிரவாத கும்பலின் மொத்த நெட்வொர்க்கையும் கண்டுபிடிக்க நினைக்கிறார்.

இதற்காக கய்னாத் அரோராவிடம் தான் யார் என்பதை கூறாமல் அவருடன் நெருக்கமாக பழகுகிறார் மோகன்லால். கய்னாத் அரோராவும் மோகன்லாலும் அடிக்கடி சந்திப்பதை நோட்டமிடும் அமலாபால், மோகன்லாலை பின் தொடருகிறார்.

அந்த நேரத்தில் மோகன்லாலின் கட்டுப்பாட்டில் இருந்த ராகுல் தேவ் அங்கிருந்து தப்பிக்கிறார். கய்னாத் அரோராவை சந்திக்க மோகன்லால் அவள் வீட்டுக்கு செல்லும் நேரத்தில், ராகுல் தேவும் அங்கு வர, அவர்களுக்குள் துப்பாக்கி சண்டை நடக்கிறது. அப்போது அங்கு வரும் அமலாபால், மோகன்லால் பெரிய ரவுடி என்று நினைப்பதுடன், அவரை விட்டு பிரியவும் செய்கிறார்.

இதுஒருபுறமிருக்க, ராகுல்தேவும் கய்னாத் அரோராவும் மோகன்லாலிடம் இருந்து தப்பித்து செல்கிறார்கள். இறுதியில், மோகன்லால் அவர்களை தேடிக் கண்டுபிடித்து ஒட்டுமொத்த தீவிரவாதிகளையும் கைது செய்தாரா? அமலாபாலை சமாதானப்படுத்தி வாழ்க்கையில் இணைந்தாரா? என்பதே மீதிக்கதை.

மலையாளத்தில் வெளிவந்த ‘லைலா ஓ லைலா’ படத்தை தமிழில் டப்பிங் செய்து ‘முருகவேல்’ என்று தலைப்பு வைத்து வெளியிட்டுள்ளனர். படத்தின் நாயகன் மோகன்லால்தான். ஆனால், தமிழில் சத்யராஜை பிரதானமாக வைத்து விளம்பரம் செய்துள்ளார்கள். அதனை பார்த்துவிட்டு படம் பார்க்க செல்கிறவர்களுக்கு பெரிய சர்ப்ரைஸ் கொடுத்திருக்கிறார்கள்.

மோகன்லால் தனது உடலமைப்புக்கு எந்தளவுக்கு சண்டைக் காட்சியில் நடிக்க முடியுமோ? அதை சரியாக புரிந்துகொண்டு ஆக்சனில் அசத்தியிருக்கிறார். அதேபோல், செண்டிமென்ட் காட்சிகளிலும், காதல் காட்சிகளிலும் தனது அனுபவ நடிப்பை வெளிப்படுத்தியிருக்கிறார்.

சத்யராஜ் மொட்டைத் தலையுடன் பார்ப்பதற்கு வில்லன் ரேஞ்சுக்கு இருந்தாலும், படத்தின் மற்றொரு கதாநாயகன்போல் வருகிறார். இவர் பேசும் வசனங்கள் எல்லாம் நமக்கு புதிதாக இருக்கிறது. இருப்பினும், இந்த புதிய கெட்டப்பில் அவரை பார்க்கும்போது அழகாகவே இருக்கிறார். நடிப்பிலும் ஸ்கோர் செய்திருக்கிறார்.

ரம்யா நம்பீசன் ஒரு சில காட்சிகளே வந்துபோனாலும் நிறைவை தந்திருக்கிறார். அமலாபால் முற்பாதியில் மோகன்லாலை காதலிப்பதும், பிற்பாதியில் அவருக்கு உறுதுணையாக இருப்பதும் என மாறுபட்ட நடிப்பை இயல்பாக வெளிப்படுத்தியிருக்கிறார். ராகுல் தேவ் வில்லத்தனத்தில் மிரட்டியிருக்கிறார். அவருடைய காதலியாக கய்னாத் அரோரா கவர்ச்சியில் தாராளம் காட்டியிருக்கிறார்.

இயக்குனர் ஜோசி ஹாலிவுட் பாணியில் ஒரு திரைப்படத்தை கொடுத்திருக்கிறார். துப்பறியும் காட்சிகள் எல்லாம் மிகவும் அருமையாகவும் விறுவிறுப்பாகவும் செல்கிறது. படத்தில் ஆக்ஷன் காட்சிகள் எல்லாம் மிகவும் ரசிக்கும்படியாக இருக்கிறது. தேவைக்கேற்ப செண்டிமெண்ட், காதல் காட்சிகளையும் வைத்திருப்பது சிறப்பு.

கோபி சந்தர் இசையில் பாடல்கள் பரவாயில்லை ரகம்தான். பின்னணி இசை மிரட்டலாக இருக்கிறது. லோகநாதனின் ஒளிப்பதிவு படத்தை விறுவிறுப்பாக கொண்டு செல்ல உதவியிருக்கிறது.

மொத்தத்தில் ‘முருகவேல்’ வெற்றி வேல்.

Post your comment

TamilWire.NET - Latest English News

TamilTunes.com - Latest Songs Downloads

Tamil.Movie - Latest Tamil Movie Trailers to Watch Online

Tamil.Gallery - Latest Tamil Galleries