தனது அண்ணனின் பாடல்களை தன்வசப்படுத்திய யுவன் ஷங்கர் ராஜா

தேனி மாவட்டத்தில் உயிர்ப்போடு வாழும் ஒரு கிராமமும், அதன் மண்சார்ந்த மனிதர்களின் வாழ்க்கையுமாக உருவாகி வரும் படம் `படைவீரன்’. பிரபல பின்னணி பாடகர் விஜய் யேசுதாஸ் முதன்முறையாக கதாநாயகனாக நடிக்கும் இப்படத்தில், அம்ரிதா என்ற புதுமுகம் கதாநாயகியாக நடிக்கின்றார்.

இப்படத்தை இயக்குனர் மணிரத்னத்திடம் உதவியாளராக பணிபுரிந்த தனா என்ற புதுமுக இயக்குநர் இயக்குகிறார். இயக்குனர் இமயம் பாரதிராஜா இப்படத்தில் முக்கிய கதாபாத்திரத்தில் நடிக்கின்றார். இவர்களுடன் `கல்லூரி’ அகில், கலையரசன், இயக்குநர் விஜய்பாலாஜி, இயக்குநர் மனோஜ் குமார், நித்தீஷ், இயக்குநர் கவிதா பாரதி, கன்யா பாரதி, `தெய்வம் தந்த வீடு’ நிஷா உள்ளிட்ட பலர் நடிக்கின்றனர். ராஜவேல் மோகன் இப்படத்தின் ஒளிப்பதிவை மேற்கொள்கிறார்.

கார்த்திக் ராஜா இசைமைத்துள்ள இப்படத்தின் இசை உரிமையை யுவன் ஷங்கர் ராஜா தனது `யு 1 ரெக்கார்ட்ஸ்’ மூலம் கைப்பற்றி உள்ளார். முன்னதாக `8 தோட்டாக்கள்’, `குரங்கு பொம்மை’ உள்ளிட்ட பங்களின் இசை உரிமையை யுவன் கைப்பற்றியிருந்தது குறிப்பிடத்தக்கது.

இறுதிக்கட்ட பணிகளில் இருக்கும் `படைவீரன்’ படத்தின் பர்ஸ்ட் லுக் போஸ்டர் சமீபத்தில் வெளியாகி வரவேற்பை பெற்றது. இவோக் தயாரிப்பு நிறுவனம் சார்பில் மதிவாணன் இப்படத்தை தயாரிக்கிறார்.

Post your comment

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online