சென்னையில் நிறுவப்படும் முக்கிய பிரபலங்களின் சிலைகள்: கீர்த்தி சுரேஷ் திறந்து வைக்கிறார்

கிளிக் ஆர்ட் மியூசியம், விண்டேஜ் கேமரா மியூசியம் போன்ற ஆச்சர்யங்களின் வரிசையில் 3-வதாக உருவாகி உள்ளது “லைவ் ஆர்ட் மியூசியம்”.

உலகின் பல்வேறு இடங்களில் மெழுகு சிலை அருங்காட்சியகங்கள் உள்ளன. ஆனால் மெழுகு சிலைகளில் கிடைக்கும் துல்லியத்தை விட சிலிக்கானில் அதிகமான துல்லியமும் அச்சிலைக்கு உயிரோட்டமும் கிடைக்கும் என்பதால் திறமையான கலைஞர்களின் பங்களிப்போடு, வெகு சிறப்பாக உலகின் முதன் மாதிரி அருங்காட்சியகம் சென்னையில் அமைவது சென்னைக்கு பெருமையான ஒன்று.

யார் யாருடைய சிலைகள் உருவாக்கப்பட வேண்டும் என்று முடிவெடுத்து அதற்கான ஓவியங்களை ஏ.பி.ஸ்ரீதர், சிலை வடிவமைப்பை ரவி, ஆடை வடிவமைப்பை தக்‌ஷா தயாளன், ஆக்ஸசரீஸ்களை வினோத் என திறமையான குழு திறம்பட செய்து முடித்தது.

இச்சிலைகளை நிறுவும் இடத்தின் அரங்க வடிவமைப்பை ஆர்ட் டைரக்டர் அப்பு அற்புதமாக அமைத்திருக்கிறார். கிரேட்டிவ் டிசைன்ஸ்-சை சுதிர் மற்றும் ராகுல் மேற்கொண்டனர்.

அன்னை தெரசா, அமிதாப் பச்சன், தோணி, ஜாக்கி சான், அர்னால்டு, சாய்பாபா, சார்லி சாப்ளின், மோனாலிசா, மைக்கல் ஜாக்சன் போன்ற பல பிரபலங்களை வடிவமைக்க முடிவெடுத்த பின் அதற்கென நிறைய நுணுக்கமான விஷயங்களை சேகரித்து, விவாதித்து ஆராய்ந்து அடுத்த கட்டத்திற்கு நகர்ந்துள்ளனர். அந்த சிலைகளின் அருகே செல்லும்போது நீங்கள் நெகிழப்போவது உறுதி.

வரும் 30ம் தேதி, ஞாயிற்றுக்கிழமை, மதியம் 1.30 மணியளவில் சிலிக்கான் சிலை அருங்காட்சியகத்தை, நடிகை கீர்த்தி சுரேஷ் திறந்து வைக்க இருக்கிறார்.

இடம் ; வி.ஜி.பி. ஸ்னோ கிங்டம், ஈஞ்சம்பாக்கம், ஈ.சி.ஆர். சென்னை.
தேதி : 30-4-2017 ஞாயிற்றுக்கிழமை
நேரம் : மதியம் 1.30 நிகழ்ச்சி நிரல்
காலை சரியாக 11 மணியளவில் பிரசாத் லேப் வெளியே இருந்து பேருந்து புறப்பட இருக்கிறது.
தொடர்புக்கு… சதீஷ் வரன் – +91 9092077778

Post your comment

TamilWire.NET - Latest English News

TamilTunes.com - Latest Songs Downloads

Tamil.Movie - Latest Tamil Movie Trailers to Watch Online

Tamil.Gallery - Latest Tamil Galleries