ரஜினியை சுற்றி இருப்பவர்கள் தவறு செய்கிறார்கள்: நீக்கப்பட்ட சைதை ரவி அறிக்கை

அனுமதியின்றி பேட்டியளித்தாக கூறி ரஜினி ரசிகர் மன்ற நிர்வாகி சைதை ரவி நேற்று மன்றத்தின் அடிப்படை உறுப்பினர் பதவியிலிருந்து நீக்கப்பட்டார். தன் மீதான நடவடிக்கை பற்றி சைதை ரவி கூறியிருப்பதாவது:-

நான் சாதாரண ஆட்டோ டிரைவர். என் ஆட்டோ முழுக்க ரஜினிதான் இருப் பார். 37 ஆண்டுகளாக ரஜினியின் தீவிர ரசிகனாக இருக்கிறேன். 1985-ல் சைதை பகுதி நிர்வாகி ஆனேன்.

அன்று முதல் இன்று வரை ரஜினிக்காக மன்ற பணிகளில் பாடுபட்டு இருக்கிறேன். ‘கபாலி’ ரிலீஸ் நேரத்தில் எனக்கும், சுதாகருக்கும் கருத்து வேறுபாடு ஏற்பட்டது. அதில் இருந்து பிரச்சினை தொடங்கியது.

ரசிகர்களுடனான போட்டோ எடுக்கும் நிகழ்ச்சி முடிந்ததும் மண்டப ஊழியர்கள், அவர்களின் குடும்பத்தினருடன் போட்டோ எடுத்தனர். ஆனால் பல நூறுபேர் போட்டோ எடுத்தார்கள். அவர்கள் அனைவரும் சுதாகர் மகனால் அழைத்து வரப்பட்டவர்கள். அதை நான் தட்டிக்கேட்டேன். சுதாகர் என்னை நீக்கி விட்டார். நான் மன்றத்தால் சம்பாதிக்கவில்லை.

ரஜினிக்காகவே உழைக்கிறேன். ஆனால் எதற்காக நீக்கினோம் என்று கூட அவர் விளக்கவில்லை. 37 ஆண்டு காலம் உழைப்புக்கு சில வரி விளக்கம் கூட இல்லை. தனது நண்பர் என்று நினைத்து சுதாகரை மன்ற பொறுப்பில் வைத்தார் ரஜினி. அவரின் தவறை நான் ரஜினியிடம் நேரடியாக சுட்டிக் காட்டினேன். என்னை நீக்கிவிட்டார்கள்.

என் மனநிலையை மும்பையில் இருக்கும் ரஜினிக்கு கடிதமாக எழுதுவேன். இதை கண்டித்து உண்ணாவிரதம் இருக்கலாம் என்று நண்பர்கள் சொன்னார்கள். இப்போது தான் ரஜினி நல்ல முடிவுக்கு வருகிறார். அதை தடுக்க வேண்டாம்.

ரஜினியிடம் நாம் தனியாக நியாயம் கேட்போம் என்று சொல்லி விட்டேன். ரஜினி நல்லவர். ஆனால் அவரை சுற்றி இருப்பவர்கள் அப்படி இல்லை. தவறு செய்கிறார்கள்.

இவ்வாறு சைதை ரவி கூறியுள்ளார்.

Post your comment

TamilWire.NET - Latest English News

TamilTunes.com - Latest Songs Downloads

Tamil.Movie - Latest Tamil Movie Trailers to Watch Online

Tamil.Gallery - Latest Tamil Galleries