அரவிந்த் சாமி படத்தில் நிகிஷா படேல்

தமிழில் தலைவன், நாரதன், 7 நாட்கள் உள்ளிட்ட படங்களில் நடித்தவர் நிகிஷா படேல். இவர் தற்போது அரவிந்த் சாமி நடித்து வரும் ‘பாஸ்கர் ஒரு ராஸ்கல்’ படத்தில் நடித்துள்ளார். ஆனால் கதாநாயகியாக அல்ல, சிறப்புத் தோற்றத்தில் நடித்துள்ளார்.

அரவிந்த் சாமி தற்போது சித்திக் இயக்கத்தில் நடித்து வருகிறார். இவர் மலையாளத்தில் இயக்கிய ‘பாஸ்கர் தி ராஸ்கல்’ வெளியாகி சூப்பர் ஹிட்டானது. மம்முட்டி, நயன்தாரா இணைந்து நடித்த இந்த படத்தைத் தமிழில் ‘பாஸ்கர் ஒரு ராஸ்கல்’ என்ற பெயரில் சித்திக் ரீமேக் செய்து வருகிறார். இதில் அரவிந்த் சாமியும் அமலா பாலும் இணைந்து நடித்து வருகின்றனர்.

இந்த படம் குறித்து நிகிஷா படேல் கூறும்போது, “இந்தப் படத்தில் நான் ஒரு நடிகை கதாபாத்திரத்தில் நடிக்கிறேன். சென்னையில் நடைபெற்ற மூன்று நாள் படப்பிடிப்பில் அரவிந்த் சாமி மற்றும் அமலா பாலோடு இணைந்து நடித்தேன். சிறப்புத் தோற்றம் என்றாலும் இந்தக் கதாபாத்திரம் கதையோடு தொடர்புகொண்டது. இதன் மலையாளப் பதிப்பில் இந்த வேடத்தில் இஷா தல்வார் நடித்திருந்தார். நான் பணியாற்றிய பணிவான நடிகர்களில் அரவிந்த் சாமியும் ஒருவர். அவரது நிறைய குணநலன்கள் எனது முதல் கன்னடப் படத்தில் என்னோடு இணைந்து நடித்த பவண் கல்யாணுடன் ஒத்துப்போகின்றன” என்றார்.

Post your comment

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online