`விவேகம்’ மோசமான விமர்சனம்: `ஈட்டி’ பட இயக்குநர் கண்டனம்

சிவா இயக்கத்தில் அஜித் நடிப்பில் உலகம் முழுவதும் வெற்றிநடை போட்டுக் கொண்டிருக்கும் `விவேகம்’ படம் குறித்து பலதரப்பு விமர்சனங்கள் வந்த வண்ணம் இருக்கின்றன. ஒருசிலர் நல்ல விமர்சனங்கைளையும், மற்றுமொரு சிலர் படம், படத்தின் இயக்குநர், நடிகர் என தனிமனித தாக்குதல் நடத்தும்படியும் விமர்சனங்களை பதிவு செய்கின்றனர். இதற்கு சில ஆதரவு குரல்களும், சில கண்டன குரல்களும் எழுந்து வருகின்றன.

அந்த வகையில் ப்ளூ சட்டை விமர்சனத்திற்கு தமிழ் சினிமாவில் அதிர்வலைகள் கிளம்பி இருக்கிறது. அந்த விமர்னத்துக்கு பதில் அளிக்கும் வகையில் இயக்குநர் விஜய் மில்டன் மற்றும் நடிகர் ராகவா லாரன்ஸ் கண்டனம் தெரிவித்து கருத்து தெரிவித்திருந்தனர்.

இந்நிலையில், `ஈட்டி’ படத்தின் இயக்குநர் ரவி அரசு-வும் விவேகம் ப்ளூ சட்டை விமர்சனத்துக்கு கண்டனம் தெரிவித்து இருக்கிறார். அதில் அவர் கூறியிருப்பதாவது,

தமிழகத்தில் மக்கள் செல்வாக்கு இருக்கும் ஒருவரையே இவ்வளவு கேவலமாக விமர்சனம் செய்தால், செல்வாக்கே இல்லாத ஒரு சாதாரண ஆட்களை எப்படி பேசுவீர்கள் என்பதை நினைத்தால் பயமாக இருக்கிறது. நீங்கள் எளிதாக சினிமா விமர்சனம் அளித்துவிடுவீர்கள். அதனால் சம்பந்தப்பட்டவர்கள் படும் கஷ்டம் உங்களுக்கு தெரியாது. சினிமா அறிவு இல்லாமல் ஏனோ தானோவென்று பேசக்கூடாது.

இவ்வாறு கூறியிருக்கிறார்.

Post your comment

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online