இட் – திரை விமர்சனம்

அமெரிக்காவின் டெர்ரி நகரில் வசித்து வரும் பில், தனது தம்பி ஜார்ஜிக்கு ஒரு மழை நாளில் காகிதக் கப்பலைச் செய்து தருகிறான். ஜார்ஜி அதை வைத்து மழையில் விளையாடும்போது, ஒரு வடிகாலுக்குள் விழுந்துவிடுகிறது காகிதக்கப்பல். அதற்குள் எட்டிப்பார்க்கும் ஜார்ஜியை, ஜோக்கர் வடிவிலிருக்கும் ஒருவன் கடித்துவிடுகிறான். பிறகு அந்த வடிகாலுக்குள் இழுத்து சென்று விடுகிறான்.

தம்பியின் இழப்பிலிருந்து மீள முடியாமல் இருக்கும் பில்லுடன் வெவ்வேறு சந்தர்ப்பத்தில் சில சிறுவர்கள் ஒன்று சேர்கிறார்கள். தன்னுடைய தம்பி ஜார்ஜி உயிருடன் இருப்பதாக நம்பும் பில், பள்ளியின் இறுதி நாளான அன்று விடுமுறையில் தன் நண்பர்களுடன் இணைந்து தம்பியை தேட முயற்சிக்கிறார்கள். இதேபோல் பல இடங்களில் சிறுவர்கள் காணாமல் போகிறார்கள்.

27 வருடங்களுக்கு முன்பு இந்த நகரை ஒரு தீய சக்தி அழித்ததாகவும், தற்போது அந்த தீய சக்திதான் இதுபோன்ற செயல்களில் ஈடுபடுவாகவும் பில் நண்பர்களில் ஒருவன் கூறுகிறான்.

இறுதியில் பில் தன் தம்பி ஜார்ஜியை கண்டுபிடித்தானா? ஜோக்கர் உருவத்தில் இருக்கும் அந்த நபர் யார்? அவன் இவ்வாறு செய்வதற்கு என்ன காரணம்? என்பதே படத்தின் மீதிக்கதை.

ஜார்ஜி முதன்முதலாக ஜோக்கரை சந்திக்கும்போது பயத்தின் உச்சத்திற்கு செல்கிறோம். ஆனால், அந்த அச்ச உணர்வை படம் முழுக்க இயக்குனரால் தக்கவைக்க முடியவில்லை.

திகில் படம் என்ற வகையிலிருந்து பேண்டஸி வகை படமாக மாறிவிடுகிறது இட். பிரபல அமெரிக்க எழுத்தாளர் ஸ்டீஃபன் கிங் எழுதிய இட் என்ற திகில் நாவலின் அடிப்படையில் இப்படம் உருவாக்கப்பட்டுள்ளது.

படத்தில் தம்பியாக நடித்திருக்கும் ஜார்ஜி, தம்பியை இழந்து வாழும் பில், சிறுவர்கள் ஆகியோர் கொடுத்த வேலையை சிறப்பாக நடித்திருக்கிறார்கள்.

பேயின் மீது நமக்கு ஏற்படும் எல்லா உணர்ச்சிகளுக்கும் காரணமான முதல் விஷயம் பயம் தான். அந்த பயத்தை மூலதனமாக வைத்து படம் உருவாக்கியிருக்கிறார்கள். ஒவ்வொவருக்கும் ஏற்றாற்போல் ஒவ்வொரு ரூபத்திலும் வந்து பயமுறுத்துவது என அசத்தி இருக்கிறார் நடிகர் பில் ஸ்கர்ஸ்கார்ட்.

தனது குறும்படமான மாமாவை மையமாக வைத்து முதல் படத்தில் ஹாரர் கிளப்பிய இயக்குனர் ஆண்ட்ரஸ் மஸ்சியி, இதிலும் கலக்கி இருக்கிறார். நாவலில் இருக்கும் பல விஷயங்களைக் கத்தரித்து சினிமாவிற்கு ஏற்ற வகையில் தந்திருப்பது ஸ்பெஷல். ஆனால், ஒரு ஆங்கிலப் படம் பார்ப்பது போல் இல்லாமல், தமிழ் படங்களைப் பார்ப்பது போன்ற உணர்வு ஏற்படுகிறது.

பின்னணி இசை மூலம் பார்ப்பவர்களை அச்சுறுத்தி இருக்கிறார் இசையமைப்பாளர் பெஞ்சமின் வால்ப்பிஷ். சுங்-ஹூன் சுங்கின் ஒளிப்பதிவு படத்திற்கு கூடுதல் பலம்.

மொத்தத்தில் ‘இட்’ சுமாரான ஹிட்.

Post your comment

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online