தாய்லாந்து காடுகளில் உருவாகும் ‘கும்கி-2’ படத்தில் நாயகியான ஜீவிதா மகள்

பிரபு சாலமன் இயக்கத்தில் உருவான ‘கும்கி’ வெற்றிப்படமாக அமைந்தது. இதில் விக்ரம்பிரபு, லட்சுமி மேனன் ஆகியோர் அறிமுகமானார்கள். பின்னர் ‘கயல்’, ‘தொடரி’ படங்களை இயக்கினார்.

தற்போது மீண்டும் ‘கும்கி’ படத்தின் 2-வது பாகத்தை பிரபுசாலமன் இயக்கி வருகிறார். இதில் ‘ரா ரா ராஜசேகர்’ படத்தில் நடித்த மதி கதாநாயகனாக நடிக்கிறார். இவர் இயக்குனர் லிங்குசாமியின் சகோதரி மகன். மதியின் ஜோடியாக நடிகர் ராஜசேகர்-ஜீவிதா தம்பதியின் மகள் ஷிவானி நடிக்கிறார்.

இதன் படப்பிடிப்பு கடந்த வாரம் தாய்லாந்தில் தொடங்கியது. அங்குள்ள அடர்ந்த காடுகளில் யானை கூட்டங்களுடன் படமாகி வருகிறது. இதுவும் யானையை மையமாக கொண்ட படம். எனவே, படப்பிடிப்பை அங்கு தொடங்கி இருக்கிறார்கள். யானைகள் தொடர்பான அனைத்து காட்சிகளையும் படமாக்கிய பிறகு இந்தியா திரும்புகிறார்கள்.

உச்சக்கட்ட காட்சிகளும் தாய்லாந்து காடுகளிலேயே படமாக்கப்படுகிறது. சுகுமார் ஒளிப்பதிவு செய்யும் இந்த படத்துக்கு நிவாஸ் கே.பிரசன்னா இசை அமைக்கிறார்.

Post your comment

TamilWire.NET - Latest English News

TamilTunes.com - Latest Songs Downloads

TamilWire Movies - Latest Tamil Movie Trailers to Watch Online